Редактор: Д.Сумъяа
Монгол Улсад шинжлэх ухааны ууган байгууллага “Судар бичгийн хүрээлэн” үүсэн байгуулагдсаны түүхт 100 жилийн ойн хүрээнд ШУА-ийн Хэл зохиолын хүрээлэнгийн үе үеийн эрдэмтэн судлаачдын шүлэг найргаас дээжлэн “Эрдмийн хүрээлэнгийн эгшиглэн” хэмээх эмхэтгэлийг эрхлэн гаргав.
Тус номд залуу судлаачаас туршлагатай бичээчид, төрийн шагналт, ардын уран зохиолч 38 зохиолчийн 80 орчим шүлэг найраглал багтжээ. Судар бичгийн хүрээлэн байгуулагдсан цагаасаа утга зохиолоор дамжуулан бүх нийтэд үгийн урлагийг таньж мэдүүлэх, судлан сурталчлах олон ажлыг хийж гүйцэтгэж ирсэн бахархам туршлага бий. Үндэснийхээ утга соёлын өв уламжлалыг хайрлан хамгаалах, сурвалжлан цуглуулах, хөгжүүлэн дэлгэрүүлэх, судлан бичиж туурвих нь манай эрдэмтэн судлаачдын оюун билгийн чин хүсэл билээ.
