ОНХОДЫН ЖАМЬЯНГИЙН МЭНДЭЛСНИЙ 160 ЖИЛИЙН ОЙД ЗОРИУЛСАН “ХЭЛ ЗОХИОЛ СУДЛАЛ - 2024” ОЛОН УЛСЫН ЭРДЭМ ШИНЖИЛГЭЭНИЙ ХУРАЛД ОРОЛЦОХЫГ УРЬЖ БАЙНА.

• 

  Нийтлэсэн Т Батбямба
• 2024-10-04
• 220

Монгол Улсын ШУА-ийн Хэл зохиолын хүрээлэнгээс жил бүр зохион байгуулдаг уламжлалт “ХЭЛ ЗОХИОЛ СУДЛАЛ - 2024” олон улсын эрдэм шинжилгээний хурлыг Судар бичгийн хүрээлэнг үүсгэн байгуулагчдын нэг, тус хүрээлэнгийн анхны эрхэлсэн дарга Онходын Жамьянгийн  мэндэлсний 160 жилийн ойд зориулж байна.

Хурлын зорилго: Их эрдэмтэн Онходын Жамьянгийн дурсгалыг хүндэтгэх, монгол хэл шинжлэл, утга зохиол судлаачдын эрдэм шинжилгээний ажлын үр дүнг олон нийтэд мэдээлэн сурталчлах, хэл бичгийн салбарын хамтын үйл ажиллагааг өргөжүүлэх, харилцан туршлага солилцох, судалгааны сүүлийн үеийн үр дүнг хэлэлцүүлэх, судалгааны ажлын цаашдын чиг хандлагыг тодорхойлох

Зохион байгуулагч: ШУА-ийн Хэл зохиолын хүрээлэн

Илтгэлийн ерөнхий чиглэл:

1. О.Жамьянгийн амьдрал, бүтээл туурвил
2. Монгол хэл шинжлэл
3. Алтай хэл шинжлэл
4. Нэр томьёо, толь бичиг судлал
5. Утга зохиол судлал, шүүмж
6. Аман зохиол судлал
7. Сурвалж бичиг судлал

Илтгэлд тавих шаардлага:

- Шинжлэх ухааны үндэслэлтэй, эрдэм шинжилгээний    тодорхой арга зүй ашигласан

- Шинэлэг санаа дэвшүүлсэн

- Санаагаа товч тодорхой гаргасан

- Урьд өмнө хэвлэгдээгүй, хэлэлцүүлээгүй байх

Илтгэлийн бичвэрт тавих шаардлага:

1. ИЛТГЭЛИЙН НЭР (Том үсгээр, Times New Roman, үсгийн өндөр 12, тод хар үсгээр, мөр голлосон байх)
2. Зохиогчийн овог, нэр (Times New Roman, үсгийн өндөр 12)
3. Хураангуй (монгол, англи хэлээр 100-150 үгтэй, үсгийн өндөр 11, мөр хоорондын зай 1,15)
4. Түлхүүр үг (6-8, монгол, англи хэлээр)
5. Илтгэлийн эх нь 5-аас цөөнгүй нүүр байх бөгөөд мөр хоорондын зай нь 1,15
6. Илтгэлийн ном зүйд ном, өгүүллийн нэр, хэвлэлийн мэдээллийг АРА стандарт шаардлагын дагуу ном, эрдэм шинжилгээний өгүүлэл, илтгэл зэргээр ялган бичнэ.

Жич: Эшлэл, зүүлтэд тэмдэглээгүй бүтээлийг ном зүйд оруулахгүй.

Хурал болох өдөр: 2024.11.18

Харилцах утас: 450480, 99018026, 89561424

Олон улсын эрдэм шинжилгээний хурлын бүртгэл:

Оролцогчийн овог нэр
Байгууллагын нэр
Эрдмийн зэрэг, цол
Илтгэлийн нэр
Цахим хаяг
Холбогдох утас

Хуралд оролцогч бүр илтгэлийн хураангуйн хамт илгээнэ.

 

---

Бусад мэдээлэл